Hazaragi Poem

January 31, 2011 at 1:33 AM Leave a comment


اوال آمد بیو بیری اورده
کمر باریک از جاغوری اورده
کمر باریک کمر شی تال وری یه
چیمای شی گرگ قد مال وری یه

صبا خست خدا لی لی مروم ما
شیوه توغری د اشترلی مروم ما
د اشترلی دیگه کاری نداروم
خانه قربو پس زمی موروم ما

کومه لاو لاو، قاشای تو مای ناوَه
روزای مه دَه پیش خانه توشاوَه
دیستایی نازوکک، اونگهَ گندمگ
چیمابادام، مویای تو تاو به تاوه

ازی دشت سفید قول بالَه موروم
دیده رخصت بیدی سون خانه موروم
دیده رخصت بیدی دیل مو دَپس مو
یکگ بوسه بیدی بور شُود نفس مو

همو کومهِ بوغوندی لاو لاوی تو
دل مَرَه پکشی از بیخ کنده گلبخت
نکو قوریغ کومهِ خو سر لبای مه
که قرضای مه بَلهِ تو منده گلبخت

مه قربونی امو لبائ  قندی
خشیم کده ده تای لب میخندی
امو  قارو امو  موسخنده صدقه
الئ شیری ده قارم دلپسندی

الی دوختر مقربان چیشیم تو
مه قوربان دو زلفان دو نیم تو
امی ره موگویوم کسی نفامه
مه شو می یوم تو از خانه خیشیم کو

 

پیچه‌ سیا رهَ پیشْکی چنگ‌ موکونی‌
پوشت‌ خوره چرخ دَدَه نیرنگ‌موکونی‌
اَمی کارای تو یِد رای‌ِ خودا «‌نیست»
دیل‌آشوقه‌ هر دم تنگ موکونی.

 

موی‌ِ غوزَه غوزَه پیش قلم تو
دَزی‌تَگَو«نییَه‌» یِد کس‌ رَقَم تو
گوفتی بانِه‌ مِنبر مِیوم دَزو ‌قُل
َبلِه آردو چیشیم‌جای قدم ت

 

بلیبور بیه ی قاغ دیده
صدقه پیچه بله قباغ دیده
د یاد مه در میه آتش میگیروم
شیرین زبونی و مزاغ دیده

 

مه قوربانی قاش و قباغ دیده
مره موکوشه آخیر داغ دیده
بیگاه صبا صدبار قد خود خو موگوم
بلیبور ونگه چیراغ دید

 

امی خال های کنج لب فدای تو
امی قاش های دم کیلک فدای تو
امی سرمه چیم دختر آزره
امی زلف های تاوکیلک فدای تو

 

از درگه‌ بور شُودی ناز کو گول‌ ما
مره دیدی بغل واز کو گول ما
مردوم‌ تُهمد کده بله مو آردو
تهمد مردومه راس‌گول ما

 

سر بامَت جَم جوشَه گولِ ما
سر و گردو قِران پوشَه گول ما
اگر یگ شَو سر سینه بخوا بم
غم دونیا فراموشه گول ما

 

قدت با چوب تر می مانه ای گول
لبت با نیشکر می مانه ای گول
بیدی یگ بوسه از دورِ لبانت
کی داغت بر جیگر می مانه ای گول

 

بَرِ رویت پنیر باشه گُلِ من
دو دِستِت با خمیر باشه گل من
دُو دِست نه ده خمیربَلی به زانو!
دوچشمت بارفیق باشه گل من

 

کمر باریک، سینه انار واری یَه
لبای توسرخ مازِه شی قنده گلبخت
همو روزی قد مه مزاغ موکََدی
نخش لب مَه دَه لب تو منده گلبخت

 

مویی سیای خوره تو دادی یارجان
د پیشانی سپید، خو دادی یار جان
خودا داند که من بیمار عشقم
مره د تاس غم آو دادی یارجان

 

امی خال های کنج لب فدای تو
امی قاش های دم کیلک فدای تو
امی سرمه چیم دختر آزره
امی زلف های تاوکیلک فدای تو

 

امو بِیـه تیاغه ما بلیخور
امو وُنگه چیراغه ما بَلیخور
کی آشوق دردِ چشــمانش نبینه
پَغَچی دَماغه مابلیخور

 

دل مه موشه که چوپانی کنوم مه
سپید چهره را میمانی کنوم مه
اگه یار سپید چهره مه نیه
سیا بره ره قربانی کنوم م

 

عجب دیستایی حنا داری ای گول
بَچی مَیل جودایی داری ای گول
سرو جان مَرَه قوربان خود کو
اگر نذریی خودا داری ای گول

 

بینی پوچوق، بِیهَ بیلندَه گلبخت
چطور از دور سونمَه میخنده گلبخت
دندو سفید صدف، چیمای شی بادام
ماهِ چارده واری نوربنده گلبخت.

 

گوش و گردون دیده مثل سرقند
اشوق بلیبور بیۀ نوربند
چیشم دیده ره آهو ام نداره
پیچه شی غومبه غومبه تا کمر بند

 

کمرباریک “قمر”بور شُد سر شاو
ماه چارده خجیل افتاد مَنهِ آو
لاتهِ نیلی قمرجان پور ستاره
قاشایی قَلَمی، قمر ماه ناو.

 

تگو شیو می رَوم من بادیل خوش
به پیش دیلبر سیمین بناگوش
رسیدم من به مأوای تگو غار
غم دونیا شُوده کم کم فراموش

 

دان‌ِ درگه‌ بیشینوم روی دَ روی تو
دُوا در تو کنوم بَدوا دَ شوی تو
دُوا در مه نکو بَدوا دَ شوی مه
یَکَگ ‌بوسه‌ بگیر از خال روی مه‌

 

شیخی‌ چادر کشاله ما بلیخور
شیخی کومِه‌ شی خاله ما بلَیخور
شیخی کومِه شی خال باشه نباشه‌
پیشْنَه دندون‌ شی شاله ما بلَیخور

 

امی بیدا رَه از سینه خو موگوم
برای یـار نازدانه خو موگوم
شَو و روز از برای شی درگیریفتوم
دَ او قَندول وُزگنه خو موگوم

 

 

 

About these ads

Entry filed under: Uncategorized. Tags: .

Deportation of Afghan asylum seekers from Australia A LEADING Afghan MP has blamed the Labor government’s immigration policies for self-harm and mental health problems among detainees.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Recent News & Stories

Categories

Enter your email address to follow this blog and receive notifications of new posts by email.

Join 90 other followers

Blog Stats

  • 52,359 hits

جانتری عطاالله

January 2011
M T W T F S S
« Dec   Apr »
 12
3456789
10111213141516
17181920212223
24252627282930
31  

Follow me on Twitter


Follow

Get every new post delivered to your Inbox.

Join 90 other followers

%d bloggers like this: