Archive for the ‘شعر هزاره گی’ Category

Hazaragi peom

Posted: February 24, 2009 in شعر هزاره گی

شعر هزاره گی

بیرارو بید ز خاو بیدار شونی مو         تا کی دیوانگی هوشیار شونی مو

بلده صلح و اباد کدون کشور         ده پشت یک دیگه قطار شونی مو

چیم خو، ده مردومی بیگانه نیلیم          کمر بسته ده کار تیار شونی مو

از گذشتای خو بید عبرت بیگیریم           تا کی؟ رقم پار پیرار شونی مو

همه پرورده یی این خا ک و ا بیم            نفاق ره ایشته پک بیرار شونی مو

نبا شه گر نفاق و پتنه در ملک           چرا گرسنه و خوار شونی مو

اگه یکدل ده بین خود خو با شیم         چرا بی عز و بی وقار شونی مو

چرا؟ چون بوریای کهنه هر جا         تا یی کفش مردم اوار شو نی مو

ازین پس بید که راه حق ره بیگریم         از با طل جمله دیست ور دار شونی مو

کلو شرمه، بلده از مو ده دنیا           از دیست یگد یگه فرار شونی مو

ده یگ نام و دیگه نام ای بیرارو!        چرا تاراج و تار و ما ر شو نی مو؟

مردوم موره گشنه و خوار نگاه نه           بید که از حال خو خبر دار شونی مو

اگر دلسوز یگد یگه خو با شیم            چرا؟ ده مشکلی دچار شونی مو